Որպես Պոլիտեխնիկի համայնք, մեր առաքելությունը մենք երբևէ չենք համարի ավարտված: 90-ամյա պատմությամբ, խորհրդային և անկախ Հայաստաններում համազգային տեսլականների կյանք տված մեր հարազատ բուհը այսօր հաղթահարում է ոչ նվազ մարտահրավերներ, որոնցից շատերը նետված են հենց մեր Հայրենիքին:

Մեր բուհը մեզ համար ճամփա է հարթել Հայաստանում և աշխարհում: Այսօր միանալով Պոլիտեխնիկի նորարար գաղափարների իրագործման արշավին՝ մենք աջակցում ենք Հայրենիքի հզորացմանը։ Յուրաքանչյուր նվիրատվություն կրթական, գիտական, տեխնոլոգիական ու հետազոտական գաղափարների զարգացման ևս մեկ աստիճան է։

Մենք, որպես աջակից, Պոլիտեխնիկի կողքին ենք, որը առանց բարդույթի ստանձնում է պատասխանատվություն՝ կառուցելու պաշտպանված, ինժեներական ու ժամանակակից տեխնո-Հայաստան։ Եվ արդեն մեկ վայրում, որպես իսկական ընտանիքի անդամներ, կարող ենք կատարել համայնքին աջակցելու մեր քայլը։

Շնորհակալություն մեր իրատեսական ծրագրերը իրատեսորեն գնահատելու համար: